Ֆիզիկական անձանց սերտիֆիկացման մարմինն իր գործունեությունն իրականացնում է համաձայն ԳՕՍՏ ԻՍՕ/ԻԷԿ 17024–2014 ստանդարտի պահանջների և մարմնի կողմից մշակված ընթացակարգերի:
Սերտիֆիկացման աշխատանքները կատարվում են հավատարմագրման ոլորտի շրջանակներում:
Ֆիզիկական անձանց սերտիֆիկացման փորձագետների կազմում ընդգրկված են մասնագիտական պատրաստվածություն և համապատասխան որակավորում ունեցող մասնագետներ, ովքեր պարբերաբար վերապատրաստվում են հեղինակավոր ընկերություններում և ձեռնարկություններում:
Ֆիզիկական անձանց սերտիֆիկացման մարմնի պատվիրատուները տարբեր ոլորտների ընկերություններ են, անհատ մասնագետներ, ովքեր ցանկանում են ստանալ որակավորում՝ տարբեր ոլորտներում:
Անձանց սերտիֆիկացման մարմինը պաշտոնական հարցման դեպքում պարտադիր կարգով ստուգում և տրամադրում է տեղեկատվություն այն մասին՝ արդյոք սերտիֆիկացված անձը տիրապետում է գործող սերտիֆիկատի իրավասությանը՝ նշելով այդ սերտիֆիկատի գործողության ոլորտները։ Սերտիֆիկացման մարմինը «Նարեկ» գիտահետազոտական ՓԲԸ պաշտոնական կայքի միջոցով ապահովում է հայտատուներին հետևյալ տեղեկատվությամբ՝
Սերտիֆիկացման մարմնի պահանջները հետևյալն են՝
ա) համապատասխանել սերտիֆիկացման համար սահմանված պահանջներին,
բ) աշխատանքների ընթացքում իրականացնել բոլոր անհրաժեշտ գործառույթները,
գ) ժամանակին տեղեկացնել հայտատուներին սերտիֆիկացման գործընթացում կատարված փոփոխությունների մասին։
Անձանց սերտիֆիկացման մարմինը սահմանված կարգով մշակել և վավերացրել է հավատարմագրման ոլորտին համապատասխան սերտիֆիկացման սխեմաներ, որոնք պարբերաբար վերանայվում և վավերացվում են։ Յուրաքանչյուր սխեմայի պահանջներին համապատասխան մշակված են քննական հարցաշարեր, որոնք նույնպես մշակված և վավերացված են համապատասխան կարգով։
Համապատասխանության հավաստման աշխատանքների վճարումը կատարվում է պայմանագրային հիմունքներով։