Կառավարման համակարգերի սերտիֆիկացման նշանն ապահովում է, ի թիվս այլոց, հետևելիություն դեպի սերտիֆիկացման մարմինը: Նշանը չի պարունակում որևէ երկիմաստ ձևակերպում սերտիֆիկացման և սերտիֆիկացման մարմնի վերաբերյալ: Նշանը չի օգտագործվում ապրանքի կամ դրա փաթեթավորման վրա` սպառողի համար տեսանելի տեղում, կամ որևէ այլ եղանակով, որը կարող է մեկնաբանվել որպես ապրանքի համապատաս-խանության նշան: Սերտիֆիկացված կառավարման համակարգի համապատասխանության նշանը չի կարող օգտագործվել արտադրանքի մակնշման, ինչպես նաև դրա սերտիֆիկացումը հաստատելու համար: «ՆԱՐԵԿ» Գիտահետազոտական ՓԲ ընկերության կառավարման համակարգերի սերտիֆիկացման մարմինը թույլ չի տալիս իր նշանի կիրառումը լաբորատոր փորձարկումների, ինչպես նաև տրամաչափարկման կամ հսկողության արձանագրություններում կամ սերտիֆիկատներում: Ընկերության կառավարման համակարգերի սերտիֆիկացման մարմինն իրականացում է պատշաճ հսկողություն իր սեփականության իրավունքի նկատմամբ և անհրաժեշտ միջոցներ է ձեռնարկում սերտիֆիկացման կարգավիճակի ոչ ճիշտ վկայակոչման, ինչպես նաև սերտիֆիկացման փաստաթղթերը, նշանները կամ աուդիտի հաշվետվությունները շփոթեցնող եղանակով օգտագործելու դեպքերը կանխելու ուղղությամբ: